Yangiliklar
Hoja.uz sociallıq tarmaǵında 2025-jıl 9-oktyabr kúni járiyalanǵan maqala júzesinen múnásibet.
Hoja.uz sociallıq tarmaǵında 2025-jıl 9-oktyabr kúni járiyalanǵan maqala júzesinen múnásibet.
Sociallıq tarmaqlarda tarqalǵan Tashkent wálayatınıń Piskent, Buka hám Quyichirchiq hám basqa rayonlarındaǵı bir qatar mektepge shekemgi bilimlendiriw shólkemlerinde balalardıń ózin jaman seziw jaǵdayları (ısıtpa, kewil aynıw, qusıw, ish ketiw) baqlanǵan. Dáslepki maǵlıwmatlarǵa kóre, usı jaǵdaydıń itimallı ónimi retinde 3,2 % maylılıqtaǵı kefir ónimi kórsetilgen.
Basqarma tárepinen alıp barılǵan sorastırıwlar dawamında, Qaraqalpaqstan Respublikası MShhámMB ministrligi orınlardaǵı mektepke shekemgi bilimlendiriw shólkemlerinde qáwipsizligi kepillengen 5 litrli ıdıslarda qadaqlanǵan qatıq ónimi qabıllanıp, tarqatıp atırǵanlıǵın bildirdi. Basqarma tárepinen Qaraqalpaqstan Respublikası MShhámMB ministrligine mektepke shekemgi bilimlendiriw shólkemleri tárepinen sút hám sút ónimleriniń belgilengen sanitariya qaǵıyda talaplarına ámel etken halda qabıllawın qadaǵalaw júzesinen tiyisli usınıslar berildi.
Joqarıda júz bergen unamsız jaǵdaydıń aldın alıw maqsetinde, sonday-aq, xalıq arasında ótkir juqpalı asqazan-ishek kesellikleriniń aldın alıw, azıq-awqat ónimleriniń qáwipsizligin támiyinlew maqsetinde, Basqarmanıń aymaqlıq bólimleri tárepinen orınlarda jaylasqan sút hám sút ónimlerin islep shıǵariw menen shuǵıllanıwshı kárxanalarda ámeldegi sanitariya-gigiena talaplarına ámel etiliwin támiyinlew júzesinen usınıs hám kórsetpeler berildi.
"Ózstandart" agentligi tárepinen 17.08.2012j kúngi 2841/01-san menen dizimnen ótken ÓzDSt 1086:2011 “Kefir” texnikalıq shártiniń 4.5-bántinde kefir (qatıq) ónimin qadaqlaw 200-1000 g (cm3) ıdıslardan tısqarı Ózbekstan Respublikası Den-sawlıqtı saqlaw ministrligi tárepinen sút hám sút ónimleri ushın ruxsat etilgen basqa túrdegi hám kólemdegi tutınıw ıdıslarına qadaqlawı múmkinligi belgilep ótilgen.
Ózbekstan Respublikası Bas mámleketlik sanitariya vrachı tárepinen 2022-jıl 23-noyabr kúni 34-sanlı qararı qosımshası menen tastıyıqlanǵan “Sút hám sút ónimlerin islep shıǵarıwshı kárxanalarǵa qoyılatuǵın sanitariya-gigiena talapları” SanQhámN № 0039-22 Sút hám sút ónimlerin tasıwǵa qoyılatuǵın sanitariya-gigiena talaplarında, Qáwiptiń aldın alıw maqsetinde ıssı máwsimde suwıtqıshlı júk mashinalarında sút ónimlerin júklew hám jetkerip beriw múddeti 6 saattan, qánigelestirilgen transport quralları hám bortlı transport qurallarında bolsa 2 saattan aspawı kerekligi belgilengen.
Qaraqalpaqstan Respublikası Sanitariya-epidemiologiyalıq tınıshlıq hám jámiyet salamatlıǵı basqarması Málimleme xızmeti
So’ngi yangiliklar