Yangiliklar
DÍQQAT XABARLANDÍRÍW!
Respublikamızda 1-dekabr “Pútkil jer júzilik Arttırılǵan immunitet jetispewshiligi sindromına qarsı gúresiw kúni” múnásibeti menen "Salamat turmısqa birgelikte!" súreni astında 2025-jıldıń 1-noyabrinen 1-dekabr sánesine shekem xalıq arasında AIV infekciyasınıń profilaktikasına baǵıshlanǵan ilajlar, yaǵnıy xalıqtıń kóp bolǵan jerlerinde tastıyıqlanǵan keste tiykarında (avtovokzallar, temir jol vokzalı, diyqan bazarı, joqarı oqıw ornı, liceyler, kolledjler, mektepler, máhálleler hám sol sıyaqlı xalıq tıǵız jaylasqan orınlarda) akciyalar, biypul AIV infekciyasına operativ tekseriwlerin ótkeriw belgilengen.
Sonday-aq, Siz ózińiz jaqın bolǵan barlıq poliklinikalarda hám Qaraqalpaqstan Respublikası AIJSqa qarsı gúresiw orayında hár kúni usı baǵdarda, ózińizdi qızıqtırǵan sorawlarıńızǵa tiyisli qánigeler tárepinen juwaplar alıwıńızǵa, biypul AIV infekciyasına tekseriwlerden ótiwińizge boladı.
Óz densawlıǵıńızǵa itibarsız bolmań! Salamatlıq hám shańaraq muqaddes, onı qásterlep saqlaw óz qolıńızda!
Ilajlarda qatnasıń!
QR Densawlıqtı saqlaw ministrligi
Málimleme xızmeti
So’ngi yangiliklar