Yangiliklar
“Azıq-awqattan ǵalaba záhárleniwler-botulizm keselliginiń aldın alıwda AJMSh tiyisli xızmetlerdıń háreketleri” temasında kórgizbeli arnawlı-taktikalıq oqıw shınıǵıwı ótkerildi.
Qaraqalpaqstan Respublikası Ministrler Keńesiniń Baslıǵı Puqaralıq qorǵaw baslıǵınıń 2025 jıl 18-yanvardaǵı 1-sanlı buyrıǵına tiykar, 2025 jıl 14-noyabr kúni Kegeyli rayonında “Azıq-awqattan ǵalaba záhárleniwler-botulizm keselliginiń aldın alıwda AJMSh tiyisli xızmetlerdıń háreketleri” temasında kórgizbeli arnawlı-taktikalıq oqıw shınıǵıwı ótkerildi.
Kórgizbeli arnawlı-taktikalıq oqıw shınıǵıwına Kegeyli rayonı aymaǵındaǵı ulıwma bilim beriw hám mektepke shekemgi bilimlendiriw shólkemleri juwapkerleri hámde Basqarmanıń Kegeyli, Bozataw, Shımbay, Qaraózek, Taxtakópir hám Nókis rayonlıq SET hám JS bólimi qániygeleri qatnastı.
Kórgizbeli arnawlı-taktikalıq oqıw shınıǵıw barısında ilaj qatnasıwshılarǵa Basqarma qániygesi tárepinen “Azıq-awqattan ǵalaba záhárleniwler-botulizm keselliginiń aldın alıw” hámde Basqarmanıń Kegeyli rayonlıq bólimi qániygesi tárepinen “Mektepke shekemgi bilimlendiriw shólkemlerinde beriletuǵın azıq-awqat ónimleri qáwipsizligin támiyinlewda sanitariya-gigiena qaǵıydaları” haqqında maǵlıwmatlar berip ótti.
Soń kórgizbeli bólimi arqalı qatnasıwshılrǵa kúndelikli turmısta awqattan záhárleniwdiń awır túri esaplanǵan “Botulizm” keselliginiń júz beriwi, birlemshi emlew ilajları, epid-sorap sorastırıwlar, aldın alıw ilajları kórsetip berildi.
Ilaj sońında, awqattan záhárleniwdiń awır túri “Botulizm” keselliginen saqlanıwdıń hám aldın alıwdıń áhmiyeti, qatań itibar beriw lazım qaǵıydalar haqqında ilaj qatnasıwshılarına keń túsinikler berildi.
Qaraqalpaqstan Respublikası Sanitariya-epidemiologiyalıq tınıshlıq hám jámiyet salamatlıǵı basqarması Málimleme xızmeti
So’ngi yangiliklar